Mystages

今日早上返完工, 下便去安利吃魚旦粉
越來越癲..
我指價錢, 一個人可以吃了 $48~~~~
雖然其他地方例如銅記吃一個午餐都差不多價錢
但現在只是吃魚旦粉….

昨日返港大溫書前
先見了一見一個兼職替工, 小女孩
希望她工作順利, 因為她工作順利, 我便工作順利~~

之後去了南記吃午飯
一碗小窩米線 + 一碗春卷已是 $42
又傻了~ 一個人吃南記也可以吃了 $42 ???

今日吃完安利
便回家大睡, 直至晚上七點
這陣子也沒有好好睡過, 好眼瞓..

起身後, 去剪頭髮~
上星期已經想去剪, 但要去饑饉, 所以捱了一星期..

今晚沒甚麼胃口
在屋企樓下吃了豬手河
今次正常少少, 只吃了 $16~~

最近連續三日, 飯後都去 OK 買雪糕吃
吃完雪糕, 人真是會開心些~

我就是吃這個, 一排排的雪糕餅~~ 有朱古力同雲利拿兩種味~~~~ =P

最近生活時間, 亂七八糟, 很討厭!!
日日都睡不夠, 變相溫書時要抽時間小睡半刻, 之後才有精神繼續溫
很愛睡眠, 卻又很討厭睡眠
愛它, 因為當好好地充足睡了一覺後, 整個人都好有精神充滿活力, 可以去做想做的事
恨它, 是因為往往就是需要睡眠, 錯失了很多去做事的時間, 就算想去不斷做某件事, 卻因為要睡眠被迫停止

我就是這樣
當開始了之後, 便不想停止, 只會想一心做下去~~直至做好!!
記得小時侯, 家人不知從那裏拿來一盒 1000 塊的切圖
那時暑假, 用了兩日的時間, 不眠不休地把它切好~~~~

還有一星期便考試了~~~
要快快重整身理時鐘, 好好打這一場杖!!!!!!!!!!!!!!!!!!!!!!
任何事, 都要暫時放開~~

看完昨日那篇文後, 再加上今日這篇
突然, 好像閃電了一下
思路清盺了, 理性奪回主導權
甚麼也看得很清楚, 很通透
心力指數 由前排谷底的 5 上升到現在的 89
近排讀書讀上腦, 想到很多 theory 加入生活中 (遲些再分享這些 “溫書後群症” 所產生的怪思想)

看了以下這篇文
發現原來世界上真的有這種女仔
如果不是她自述自己的心聲, 恐怕我也不知道原來世界上真的有這種人
換著我, 一定不能分不出究竟她是真心鐘意還是另有目的
因為我很簡單, 鐘意就是鐘意, 如果鐘意, 便會百分之二百地付出, 漸漸便會漠視了一切
根本就不會懷疑對方的真心
更何況對方有心隱瞞, 可能半真半假, 迷迷糊糊的人又怎會發現得到

之前很討厭自己, 甚麼也做不好, 一次又一次被否定
但近日, 慢慢找回自己的位置 和 目標
從理性 和 感性之中, 找到了平衡點
感覺到 思想又再成熟了, 又再上了一層樓

為著目標, 努力奮鬥~~
一定做得到!!! =D

今日去胡忠報了 MB 和 MD, 是激起鬥志的另一個推動力
藉著上次的經驗 和 這一年 year 2 的進修, 實力和信心都大增了
相對上年考 MA 時的狀態, 今次不論心理質素和實際能力 都大大不同, 應該應付到~~
況且今年不可以再浪費任何考試費/時間, 因為計劃不再容許這樣做
破釜沉舟, 是迫走懶蟲的最好做法
放棄讀 Master 的一年時間, 這 opportunity cost 太重了 (又來了…..)

究竟說過的, 能不能做到
便要看年尾的大 review~~

Never forget!
MBR~~~~~~

——————————————————————————-

Copied from FB

話說幾日前有位小姐在discuss 發了以下的言論>>

同男友拍咗1年, 佢是專業人士, 有樓有車, 我一心唸住第時同佢結婚, 兩個加埋就變中產家庭, 由公屋搬去太古城, 因我不嬲有個夢想, 就係搬去太古,由屋村階層變中產階層

尋日同佢傾開結婚計劃,先知原來佢月入只是2萬幾(就來3萬),唉,原本唸住佢最少有4-5萬,我都有萬三一個月,同埋,佢話佢住緊層樓值230萬, 但有150未供, 同佢手上只得現金加股票值50幾萬,我一計,總數是最多可套硫130萬,但太古單位要成500幾萬,即係3成首期都未夠,我同佢講,不如借9成本買太古,點知佢話,我地加埋月入只是4萬幾,邊住得起太古呀,唉,真係離晒普,好失望

一心唸住搵個大我成10幾年的人,就是想生活安定,唔駛捱,好失望,原來佢得個殼
唉…………….

昨天有位猛男對太古小姐作出以的回覆>>

既然你咁坦白明買明賣,就嚟傾傾條件吧,
月入4,5萬冇問題,家又在太古城,有基金有保險,

我諗法邏輯又同你差唔多,我就覺得:
男人搵到D錢,又住太古又單身,梗係搵個好架啦,唔通搵個港女呀?

咁你有咩條件?
初戀情人型,青春樣靚身材好有冇?
或
住家菜型,洗衫煮飯家頭細務識唔識?
或
時代女性型,男女平等步伐一致,咁你事業又如何?
或
背後女人型,細心溫柔有耐性,總有你鼓勵果隻,會唔會?
或
女管家型,相夫教子,理財有道不亂花錢,曉唔曉?

全部都冇?你要變中產?你係 X 家鏟咋掛?

真係覆得好正!!!要推俾咁多位朋友睇!!!

看了以下這篇文
心中很有共鳴
人所共知, 衆屆八十後, 以大學零三年畢業的一屆最為悽慘 (更慘過所為百年一遇的零九金融海嘯)
當年沙士, 可謂香港經濟的谷底, 所有 fresh graduate 很多人都找不到工作, 就算找到, 都是一萬樓下
還記得當年太古城這些籃籌屋苑更跌到四千尾至五千頭一呎, 當日同今日相差很遠

以前一畢業, 便儲錢, 想買樓結緍
但經過這一段日子後, 想法改變了
樓是要買, 但不是現在, 而是當首期有能力付上四五成時
大大將日後每月供款盡量減低, 最好低至收入的三成左右
以下降供樓付擔 和 不可失去工作的沉重壓力
這樣買了第一層自住後, 才可以再有機會儲錢買第二層作投資之用

很同意作者的看法
努力做好自己, 提升自己, 令將來可以跳出現有的框框

播種, 灌溉, 等待
永遠都是最辛苦, 最想放棄, 最黑暗的時侯

但總有一日, 會捱出個未來*

—————————————————————————————

Copied from http://hk.myblog.yahoo.com/misssheep-sheep/article?mid=4

80後買樓
一直以黎,我係discuss都係「塘邊鶴」，好少發post.但呢排睇到唔少人講80後買樓問題，令我有感而發，同大家分享一下。

我係80後，都係大學生，仲要係三大其中一間既畢業生。一直以黎，我都係屋企既希望。一家住公屋，一家五口只有老豆萬多元收入，所以屋企都好想我大學畢業，可以改善家庭環境。但好不幸，畢業時正值03年沙士，當時大學畢業生既起薪點大概係6000至7000蚊。同年我老豆又退休，兩老都需要我份家用，真係屋漏更兼逢夜雨。

03年我寄左差唔多二百封信，見左幾十份工，都無一份請。我第一份見既工係同我本科完全唔相關既物流文員，人地問我「你咁既學歷做文員，會唔會有0的委屈?」，當然最後佢都無請我。果陣見工行到腳都損，有一次忍唔住係街度喊左出黎，問自己點解會咁慘? 最終幾經辛苦終於搵到一份同本科有關既工作，月薪8000，對當時既我，已經係欣慰。不過睇住人地學歷同我差唔多，人工高我咁多，真係覺得好唔抵。

我好記得自己第三個月出糧，係1月份，亦係第一期grant loan還錢既時候。8000蚊月薪，4000蚊俾屋企，4000幾蚊還grant loan,一出糧乜錢都無洗過就嘔突，真係心傷。果陣唔好話買樓，開飯都有問題。

果時我不時思考自己既出路，終於有一晚俾我諗到: 我成日以為自己係名牌大學畢業好叻，但諗深一層，我毫無經驗，而比起同屆畢業生，我又無過人之長，咁人地憑咩請我呢? 記得果份物流文員，人地要求我打字，但我打左老半天依然未打完，仲要錯字連篇，人地又點請我呢? 於是，我努力做資料搜集，知道原來香港有好多只需花幾百蚊去考，但政府認可既資歷、證書。我係半年間，放工後隔晚去上堂，再返屋企溫書，雖然辛苦，但考到唔少資歷、證書。

重新裝備後，我再去搵工。結果僱主睇到我呢半年不斷進修，覺得我努力、肯學，終於請左我。我終於做到自己想做既工作，人工亦加左一倍，到約16000蚊，不過之後就減薪，減左千幾蚊，但對於當時既我，好似中左六合彩頭獎咁。

多左人工，但我無亂洗錢，第一個目標唔係買樓，而係還GRANT LOAN。由於我係大學時拎到相等於一年學費既獎學金，再加上我一直以黎既儲蓄，同埋慳慳埋埋既GRANT LOAN餘款，我終於係05年，比還錢期限早三年一次過還哂GRANT LOAN。雖然無債一身輕，但荷包亦輕到飄起，又要重頭再儲。

還哂GRANT LOAN，我終於可以計劃一下自己既財政。06年我同男友計劃結婚。佢同我都係公屋妹、公屋仔，無咩家底，於是要一齊儲錢，亦計劃買樓。我地都係慳家一族，環境最差既時候兩個人分一個美X快餐食，但日子就係咁過。而我係一年半以來努力做資料搜集，睇下有咩適合既樓盤。

係努力之下，08年我地終於係市區買左一層約200萬既樓。好多人都要求買新樓，但我卻只求安樂窩。雖然樓齡10多年，只有約五百呎，但兩口子已夠住。最開心既係單位兩個房都向海，真不枉我做左咁多資料搜集，去左咁多區睇樓，終於有自己既安樂窩。單位做九成按揭，首期都係20萬，連雜費約三十萬。由於我鎖定已裝修單位去睇，連裝修費都慳返。層樓按30年，月供都係8000幾蚊(連管理費)，對而家家庭月入約4-5萬蚊既我地，負擔不重。就算上年金融海嘯，我男友俾人裁員，靠積蓄都依然供得起。

而係呢幾年，除左買樓，我地仲係早幾個月前結左婚，婚禮所有洗費由我地負責;我仲係兩年前開始讀MASTER，今年結婚兼畢業。

係咁多年黎，我都無點投資股票，但依然可以做到結婚、買樓同埋讀書，同時每個月都俾家用屋企，一切全靠儲蓄同埋財政規劃。

係呢幾年，我放棄去買名牌、買貴衫、幾乎無去過旅行。可能你會覺得好難，但如果你真係想買樓，你就會放棄得到。到而家我結左婚、買左樓，有唔少朋友羨慕，而我而家仲有大把時間可以搵錢去買呢0的奢侈品，何需急於一時?相反我有唔少朋友成日換電話，又i phone又i pod,一年去幾次日本，但就歎樓貴買唔起，我真係愛莫能助。

大學生，其實就算唔係大學生，係出黎社會工作頭幾年一定係要捱，買唔起樓係必然既。係我打8000蚊一份工仲要還grant loan既時候，我絲毫無諗過要買樓。無咁大個頭，何解要戴咁大頂帽? 如果一畢業/畢業頭幾年就個個可以買得起樓，咁即係代表樓宇已經無價值，不買也罷!而家唔少同我同齡或者年紀比我小既80後大學生，拎住學位打份萬幾蚊既工，好似我當年咁怨天怨地。少不更事固然係原因，你當然可以繼續怨，而討論區都係俾你怨既地方，你無唔0岩，但世界唔會因你怨而停住，樓依然咁貴，或者更加貴，倒不如想想點樣可以裝備好自己，搵一份人工高0的既工作啦!希望睇完我既分享後，會幫到你。

當然，我都唔認同發展商起縮水樓，同埋認為政府應該復建居屋，等人地有多0的選擇。但經我呢幾年不斷搜集資料，其實港九新界都真係有唔少百幾萬既細價樓可以買架，你去中原地圖查下各區成交就一清二楚。所謂”上車盤”，即係樓既入門階，層樓買左係可以賣架嘛!暫時住住先，待價而沽，就可以換另一層大0的既樓啦!唔需要一買買成千呎新樓呀!如果幾年都唔將就，咁就真係到頭髮白都無辦法買喇!又前年、上年既價都唔高，咁點解之前唔買，今年貴先黎話買呢?簡直違反投資原則。而家每幾年就一次調整，想買樓既無需急於一時，可以儲多兩年錢，等平0的再買啦。如果你又嫌舊樓舊，又嫌面積細，但自己又係洗慣玩慣、講求生活品味既”月光族”，咁呢個應該係你既錯，而唔係社會既錯!

社會從來分等級，安居從來唔容易，唔係都唔會有「安得廣廈千萬間」之歎。我從小就係窮人，出世時住木屋，跟住係公屋，我唔會睇唔起窮人，我而家都只不過係個草根中產。窮人安貧樂道，要比富翁無病呻吟幸福得多，你睇不時有富豪自殺既新聞就知。60、70年代既窮，係指無飯開，就餓死;80年代打後既窮，卻係指買唔起樓，買唔起i phone、電腦。

如果我到今日都買唔到樓，仲係8000蚊人工，我依然會檢討自己有咩做得唔好，繼續努力。如果自己日日係個網罵人”xx”，但寫篇文章又白字連篇、文句不通，咁點叫人俾高薪請自己呢?人貴自知，我知道自己無能力買樓，就唔會買，而唔係怨政府、怨社會唔幫自己。細個既時候見到0的零食貴，買唔起，大人都會教細路儲錢買或者睇下第二度會唔會平0的啦!唔通走去同人嘈，叫人減價咩?不過話時話，而家0的家長又真係會自己自動幫細路俾錢，或者走去話人地，真係好笑!

為咩政府一定要幫我呢?人從來都係要為自己既生活負責架啦!政府真係要幫既，就係發展經濟、創造職位，而唔係派糖!你俾條魚人，不如教人捉魚，而家政府就係成日俾魚人，好多人唔識捉魚，就問政府拎，仲要埋其他野，我睇下點收科!一個乏善足陳既政府，搞到百姓無哂志氣，一味祈求幫助，悲哀!

我會繼續為自己既生活努力，我會繼續儲錢，但今次會儲黎投資，希望有第二、第三間物業，希望各位80後大學生都唔好再自怨自艾，繼續努力，希望你地都好快有自己既物業啦!

睇完我呢篇文，如果想話我”xx”，則可免，我唔會為你一兩句而有咩損傷，但可憐你依舊係一隻無殼蝸牛。如果我篇文能對你有一點啓發，就不枉我打字打到手軟!

今日早上收到一個消息
討厭的人將不和一位外藉同事續約, 變相炒他
他向趁該同事上班前, 向我們宣報
還要假惺惺的向我們說不是他的主意, 是上頭的意思

聽到之後, 很火!!!!!
我呸!!! 他真是一個賤人中的賤人
上頭又怎會清楚知道下邊的人誰好誰不好
如果無你的同意, 上頭又怎會炒他
加上他是有後台的, 上頭又是趨炎附勢, 貪生怕死之人, 又怎會夠膽得罪
如非你在背後加鹽加醋極力推動, 又怎會成事!!!

外藉同事是一個碩士生, 具一定經驗
由於不受於討厭的人控制, 而被打入冷宮
很多工作也被搶走, 只剩下幾件日常工作, 導致終日無所事事
但平心而論, 他是一個有實力的人
就算有背景, 都是一個好人

討厭的人作為一組人的上司
是有責任去發揮管理技巧, 去推動, 激發每一個下屬的能力, 各展所長
盡量令整組人的效率發揮得最好, 亙相配合
而不是管理不到下屬, 就將其辭去!!
最後還是扮作好人!!!

看見小人當道, 真的很火
為何時常給我看到世界的黑暗面, 真的很討厭!
最憎的, 在大衆說完
還要私下打電話給我, 叫我不要和其他人說, 包括當事人
叫我看他手頭上有甚麼不太明白的, 便盡快問他
賤格!!
首先, 炒人, 又不立該通知, 早些通知, 他可以盡快搵工, 續簽 working visa
第二, 竟叫其他人盡快學盡他手頭上的工作, 把他飛起
真的真的好賤!!!

我真的真的很想走
在這裏留多一秒也不想!!!
真的很想他也把我一同炒掉
那我就可以有藉口, 放棄香港的所有一切
遠走高飛

我要去歐洲流浪
我要去澳洲學駕飛機
我要去台灣環島單車遊
我要去台南學沖浪
我要去西藏的風轉咖啡館探薯伯伯

上星期五, 臨走時
同事問我去邊
我答去溫書
他開玩笑地說 : “讀咁多書做咩丫”
我立刻說 : “係啦, 去擦下鞋仲好啦!”
大家心照不宣地大笑

是, 努力讀書並不一定等於有前途
其實我想有的, 只是選擇的保障
有一定的學歷, 專業資格 及 經驗
加上只要 要求不太高的話
便不休找不到工作
就算做一個會計文員, 至少也不會被拒諸門外

我清楚知道
要走, 便要再將實力增加, 再擴大 學習範圍和進取度
當五月考完試後, 便是我瘋狂學習再仔細的東西的時侯

五月, 不能輸!
為家人, 為自己, 都應該這樣做!!

雖然樹是空心的
但也要撐住!!

第一日 – 17/4

早上十點多起身, 然後換衫食早餐
因為十二點半便要入營報道做義工, 做到晚上八點, 而入營後, 在營內不準進食
所以故意去吃個早餐才去~

出門口前, 母親大人剛巧回家
她問我今年會不會過夜
我答我今年只做義工, 沒有參加饑饉
所以晚上會回家~~

吃完早餐, 本來想去乘小巴入香港仔
怎知去到才發現,以前入數碼港的小巴總站搬了 (沒有搭太久)
幸好, 最後跟隨指示都找到上車位, 有驚無險
但十二點五十分才到香港仔運動場
怎知原來義工領袖還未開始出發去工作地點, 所以總算趕得切 =)

第一日的義工是做工作坊
所謂的工作坊, 即是提供一些遊戲
希望營友透過這些遊戲, 可以領悟第三世界國家的人的感受和苦況 或 認識一定當地的知訊和處境
我負責的遊戲
是一個要頭頂頭地去傳一些厠紙筒和膠杯
去築起一個模疑苗圃
要我們會在營友差不多切完的時侯
分別用風災, 水災和地震去整榻他們辛辛苦苦起好的苗圃, 要他們重新起過
這個遊戲是令他們感受到
第三世界國家的人就和他們一樣, 他們糧食已經不多, 還要受到天災的傷害
他們的反應亦只好無奈地接受, 重新建築家園

在遊戲當中
最開心的, 當然是摧毀他們的成果 (haha XDD)
但換來的便只有各種埋怨與憤怒, 營友都十分心痛和無奈
他們大約都是
“有無攪錯呀~~~~”
“你地行開呀~~~ 唔好走埋黎~~~~”
“呢D係咩天災呀, 係人禍之真呀~~~”

最深刻的, 是有一組一個六七歲大的小女孩
看見我整榻他們的苗圃, 大叫 “喂~~~~~~~~~~~~~”
然後便一定瞪著我, 真至到最後遊戲後的詳細解釋遊戲想帶出的主題
她仍然是瞪著我
很好笑~~ 很可愛
小朋友是最純真的, 喜歡就喜歡, 討厭便討厭, 絶無虛假

(左) 見到真人, 其實 Stephy 同一般化濃粧的女仔沒倆樣
(右) 今年參加者的 Tee 靚好多

(左) 很熱鬧
(右) 3333333333333

Click here to read more.. »

今日如常地去溫書
雖然很累, 但仍然支持著去

考試來臨的時間不遠了
好好地安排了接著的溫書時間表

雖然心情仍然不是太好
但總算積極起來
今晚我要好好收拾心中的負能量
因為明天便要參加饑饉三十做義工
如果身為義工都不積極, 只會令營友更沮喪

所以暫時要踢走陰暗面, 忘記所有不快樂
強壯強壯!!!

=)

在山上
又下雨, 又大風, 天氣又冷
一邊等, 一邊呼出依稀的白煙
感覺..很悽涼

幸好不是身處異地
否則加上思鄉之情
一發不可收拾

可能天氣的關係
近日十二點多回到家的樓下時
總覺得很肚餓
今晚宵夜吃了串燒賣和一個蘋果
但仍然很想吃東西
很想吃 KFC…

玩一個遊戲
首先, 是要清楚知道遊戲規則
了解規則後, 便要觀察對手的一舉一動
從中學習遊戲技巧
亦從玩的過程中, 體驗甚麼是應該做, 甚麼是要避免不做
最後, 經過一輪熟習
新手都是會輸給老手
但透過今次的經驗
新手慢慢亦會變有經驗的人
輸, 不要緊
最重要的是反省輸的原因
下一次不要重覆犯錯
多次的嘗試, 總會有贏的一日

如果愛情是一場遊戲
而你這個新手又第一次便贏了
恭喜你
你很幸運亦很幸福
請好好珍惜~

謝霆鋒 – 遊樂場

做對事　做錯事　換過臉色
對不起　對得起　留下評擊
看開了　然後承受承受另一種壓力

人的好奇
是很可怕
因為後果可能是不堪設想

好奇地吸毒
影響一生

好奇地看恐佈片
徹夜難眠

都不知為何要這樣做
好奇地看了
事實, 看十次都是事實

做傻事, 原來有很多種
自殘身體, 當然是錯事是傻事
但精神自虐, 更錯, 更傻..

電車就是電車
只可以沿著設定的路軌上走
怎也走不出已定的框框

每日就是沿著同一路線
一圈又一圈地走
每一次經過那間店
便傷心一次

究竟是電車還留戀那條路線
還是想用傷心來證明自己還存在?

Jordin Sparks – Was I the only one?

仍然沒有溫書的心情, 但迫自己去溫
六點多想走的時侯, 一個電話, 又被討厭的人留著
現身後又說明天再做都未遲……咁當初留著我又幹麼….
接著, 又被迫聽他訴苦…..及突顯自己的能力…..
最後七點多才可以走……

尤如動物園內的動物
想走, 又不能走……

今日溫書, 有三班亙不相識的人
不若而同地輪流在枱的另一端吃 Pizza…..(全是 PHD 的 Pizza)
吃完一班, 第二班又來, 最後第三班又是 Pizza
整場枱充斥著 Pizza 的味道….很香…很想食….

枱的另一端, 有個男仔吃 Wise 既蕃茄薯片..
很久很久沒有吃…很想很想吃….

為何今日引誘特別多?
還是目空一切, 專心溫書……………………..

今日放工後, 很累, 回家休息
但先去吃坦坦麵, 然後再行回家

每次行這條路, 總會抬頭看
今日又看不到
K3 很聰明, 總在想找他的時侯, 便會看不見
任何事..都要靠自己

今晚發現妹妹原來有個拍了六年的男朋友
很開心~ 希望他們可以繼續幸福下去~~ =)

回到家, 做了兩件事

第一件事, 是把枯了半年多的阿樹二世掉棄
其實自從阿樹死了, 我曾經又再買過一棵一模一樣的回來
可是在家裏, 就是種不到…不久他便死了
而高高的怕羞草亦因不時才淋水的關係, 早幾天終於都捱不了
最後亦不知不覺在家中消失了
我想..短期內都不想再種任何植物…
或者, 我根本不適合種任何東西..

第二件事, 是拆利是
其實自入大學, 開始做兼職後, 每一年的利是都習慣不拆
因為一向都覺得利是, 不是靠自己勞力而賺回來的錢, 好像不是真正屬於自己的
所以不去到山窮水盡, 沒錢開飯, 都不會拆利是作為救濟金
還記得, 大學時代
一邊讀書, 一邊做麥記, 一邊幫人補習
每月便靠著賺回來的二千多元過活, 吃飯, 搭車, 還要拍拖
有時手緊的月份, 便會拆幾封利是作緩衝之用, 是一段艱難的日子
畢業後一年, 一次過拆了四年的利是錢, 整地利是封的場面還記憶尤新
今年還是有些不想拆, 但都拆了這一年的利是, 早幾年的還保留著 (不是沒錢開飯, 放心 =)

人人拆利是, 應該是歡天喜地, 期待拆完後的金錢總數
但今晚一邊拆的時侯, 反而有些少少傷心, 而且更想起家人起來
或者, 我應該更加努力工作
拆完後, 數數總數, 共 HK$1,550
原來今年的收獲也不錯
我知道曾經有中學同學數到過萬的利是 或 至少五六千以上
但我記得從小到大, 最高紀錄的一次都是剛剛二千, 永遠不過這金額
都好, 沒期望, 沒失望 =D
今年其實很好, 因為收多了新婚家姐的那一封
同時, 我亦變成家中唯一一個還可以逗利是的人
都不知是不是一件好事 =)

以前一直在找這首歌的原著版本, 今日無意中找到
好歌, 永遠是百聽不厭

I won’t cry, I won’t cry, no I won’t shed a tear
Just as long as you stand, stand by me*

When the night has come
And the land is dark
And the moon is the only light we’ll see
No I won’t be afraid, no I won’t be afraid
Just as long as you stand, stand by me

And darling, darling, stand by me
Oh now now stand by me
Stand by me, stand by me

If the sky that we look upon
Should tumble and fall
And the mountains should crumble to the sea
I won’t cry, I won’t cry, no I won’t shed a tear
Just as long as you stand, stand by me

Whenever you’re in trouble won’t you stand by me
Oh now now stand by me
Oh stand by me, stand by me, stand by me