昨日星期四, 去了溫書
但實在超累, 集中不了精神, 溫了一陣子便回家
要有高效率, 下次一定要養足精神
好好重整溫書的生活和步伐
離考試的時間不遠了…
今日在公司走廊
和五十多歲的好前輩傾開計
我突然略帶悲地問
“究竟做人咁辛苦為乜?”
“唔知為乜架, 我係呢行做左三十幾年, 亦都唔知為乜?” 他坦白地回答
“咁做人究竟為乜? 你就話為左個家, 養老婆同個仔, 但我為乜?”
“我以前年輕時都同你一樣, 果時仲要每個月搵三百紋, 但駛九百紋, 日日玩, 所以你一定要趁年輕儲錢呀”
同樣問題, 亦問了一位現時的同學
她答道
“為快樂囉, 做人都係為左快樂姐”
“快樂? 比你搵到好多錢, 食好多鮑參翅肚, 咁就好快樂?”
“起碼未來唔駛為錢擔憂丫, 做人唔係為左快樂, 為咩?”
“即係你認為人生存, 是為左快樂?”
“係呀, 唔係為咩?”
這個是一個古老的問題
相信盤古初開已經有人思考這個問題
每個無聊的現代人, 應該也會思考過同樣問題
無聊 即是 吃飽沒事做
思考做人為了甚麼的同時
突然想起第三世界的饑餓兒童
無謂的疑惑, 好像突然變得沒意義
人為了生活, 便要付出
可能是勞力, 可能是腦力
究竟有何不妥?
在潮性辦公室裏, 重提了一個想法
“被老闆鬧? 你份人工包埋架啦!!”
人可能會為很多事情而不開心, 甚至氣餒
但人總要生存
就算缺乏方向, 都一定要行下去
因為路是人行出來的
只要一直行, 便會找到屬於自己的路
迷失
不是有沒有伴侶的問題
以前可能是
但現在很清楚不是
就算有沒有, 都沒有分別
現在不會想, 只想做
做的期間, 一定找到方向的~
希望, 希望, 希望~~~~
